Google ADS

Rama bën thirrje që prishtinasit të marrin pjesë në regjistrimin e popullsisë

10:36 | 25 Nëntor 2023
K.B

Kryetari i Prishtinës, Përparim Rama, ka thënë se regjistrimi i popullsisë që pritet të nisë në prill të vitit tjetër është tejet i rëndësishëm për kryeqytetin.

Rama tha se nëse Prishtina si institucion e po ashtu edhe Qeveria e Kosovës kanë një regjistër të saktë të popullsisë, mund të ndajnë burimet dhe shërbimet në mënyrë të drejtë dhe efikase, sipas nevojave të popullsisë.

“Kjo përfshinë ndarjen e fondeve, infrastrukturës, shërbimeve shëndetësore, arsimit, dhe shërbimeve të tjera publike”.

“Bizneset në nivelin komunal mund t’i përdorin të dhënat për investimet ekonomike dhe zhvillimin ekonomik, duke rezultuar në më shumë vende të punës dhe rigjenerimin e të ardhurave”, tha Rama përmes një videomesazhi.

Rama iu bëri thirrje të gjithë qytetarëve të Prishtinës që të marrin pjesë në regjistrimin e popullsisë, duke theksuar se kjo është shumë e rëndësishme.

Shpërndaje në rrjete sociale

Lajmet më të lexuara

Të ngjashme

Foto lajm